諾天仔仔 2008-6-5 11:11 AM
75種女孩希望男友了解的事
75種女孩希望男友了解的事
０１我「喊」，無論是否你的錯，你都一定要哄我。
０２我都唔會每秒鐘都掛住你，大家咁話。
０３我見到靚仔都會望，這也是天生的。
０４我「哦」你都是因為我關心你和緊張你。
０５你唔使係有錢仔，但最好都有比較遠大的目標和理想，在未來有成為一個有錢佬的可能。
０６同我出街時，可唔可以梳番個頭同剃鬚？
０７我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。
０８當我剪了兩吋頭髮打了少少眼影穿了對新鞋時希望你會留意到。
０９所有大時大節紀念日同生日，你必須全部都記得。
１０我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。
１１當你滔滔不絕地發表你對工作細節電腦軟件NBA英國足球聯賽等等的意見時，我其實也是在唯唯諾諾地扮聽。
１２得閒做下磨砂同黑頭鼻貼，否則我會在凝望你時不自覺地望住你鼻上的黑頭同粗大的毛孔。
１３你臨訓前可唔可以刷牙？
１４你唔需要好靚仔，但一定要乾淨。
１５我黎 M 時係大哂，可以大條道理發脾氣，你最好一個月忍我幾日就哂我。
１６我會假設你懂得操控及修理任何電器，包括電腦相機電視機錄影機及HI-FI等等。
１７有很多事我並不是不懂得做，只是不想做就扮唔識。
１８每日去任何地方時都要 CALL 話比我知你位置及同邊個一齊，比我清楚哂你的行蹤。
１９同一個笑話同話題，可唔可以盡量唔講得多過廿次？
２０我發脾氣CUT你線，其實係想你即刻打番電話來再哄我。
２１如果迷路時，可唔可以快快趣趣向途人問路，唔好逞強拉住我走來走去行好多冤枉路？
２２我唔介意你有少少肚腩，但盡量唔好太肥，亦唔好比我瘦。
２３太大隻既肌肉型男人一D都唔MAN，係好驚。
２４我會好介意你有一Ｄ有不良嗜好的「兄弟老友」，認為佢地一定會帶壞你。
２５在我的朋友面前，我希望你可以表現得比平時更錫我同緊張我。
２６我煮飯比你食時，你唔可以覺得係奉旨，一定要「話」好食。
２７琴棋書畫各類運動唱歌寫文章當中，希望你最少會有一樣好叻(打機唔算)，其他最好樣樣都識少少。
２８你要欣賞我的工作。
２９大男人唔等於霸道。
３０溫柔唔等於無主見。
３１瀟洒唔等於無交帶。
３２不羈唔等於烏where。
３３我鍾意你努力工作，但都要盡量抽時間陪我。
３４唔好成日問你約會去邊度好都話「是旦」，咁唔叫就哂我只係表示你無心思。
３５如果我有朱茵的身型，我唔介意穿得像個性感尤物。
３６如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」
３７我跟你說話的時候，唔知點解聲音會比平時嬌嗲同低Ｂ。
３８CHECK你電話的來電顯示是我的嗜好之一。
３９你最好唔好有任何女性朋友、紅顏知己或契姐契妹之類的物體。
４０我有男性朋友係好正常。
４１我希望你的女同事全部都是師奶呀嬸醜女或肥婆。
４２我好有興趣去知道你同你舊女友的事，愈詳盡愈好。
４３我有時都會掛住舊男朋友、以前暗戀過的男生、華dee梁朝偉同藤木直人。
４４無論拍左拖幾耐，我都渴望你時不時比Ｄ驚喜我。
４５你要時不時對我講「我愛你」，否則我會假設你唔愛我。
４６十二歲以下的女孩才有權扮 CUTIE，其餘年齡既女人有權有CUTIE既性格！
４７你要比時間同機會我去了解你，同埋唔好成日口口聲聲話冇人了解你。
４８只有我可以話自己好醜樣，你一定要話我靚，係我謙虛先咁講。
４９（回應：＊不要在公眾場合怪叫或大驚小怪。）不要在公眾場合向我呼呼喝喝又或是撇下我一人。
５０（回應：＊＊最好不要日日作 OVERSIZE 的 HIP HOP 的打扮。）最好不要作令女 LOOK的打扮，也請不要穿冒牌衫。
５１（回應＊我唔使減肥，所以唔好阻止我食 JUNK FOOD。）你唔使減肥，但我唔想第時你心臟病、血壓高、爆血管時埋怨我以前點解唔阻止你食JUNK FOOD！
５２（回應＊大庭廣眾怕醜、唔出聲不叫斯文）大庭廣眾粗口爛舌唔係叫有型。
５３（回應＊你打扮得太誇同我去街我會驚。）你完全唔打扮同我去街我仲驚。
５４我做錯野果陣教訓我唔緊要，最重要係之後會哄返我同錫返我。
５５雖然已經有左你，但我都仲想有人追。
５６我希望你可以將我送比你既野或我既相隨身帶住。
５７我唔介意你面油多，但請自備面油紙定期清理面上油漬。
５8發爛渣時說不要再找我，其實不是要你不找我，而是要你哄我。
５９其實我經常將你身邊的女孩子比較，是想你讚我比她們好。
６０我o係街發脾氣行左去，其實係想你跟得我貼ｄ同快ｄ上前哄番我，唔好要我係ｄ轉角／反光物件上裝你仲係唔係我後面，最驚就係你走左去唔跟。
６１口是心非係我既專長，尤其發脾氣時大多數係假話，唔去即係去，唔要即係要，唔好即係好。
６２發脾氣時要即時哄番，唔好比時間我冷靜下，其實我完全唔需要時間冷靜。
６３我講過鍾意0既野，你唔使全部都送晒俾我。但起碼0係特別0既日子送其中一兩件俾我，俾我知道你有將我講過0既野放上心。
６４成日遲到，因為見你時想扮靚d而遲左出門口；成日話減肥，唔多唔少都係因為你。
６５我"MUM憎"果時唔可以"MUM憎"過我，最好係溫柔咁唔出聲攬住我，等我"MUM憎"完之後哄番我。
６６女朋友講既野最好要大致上記得，唔好求其扮聽到。
６７可以陪自己既朋友但一定要重色輕友。
６８我說有一首歌很動聽的時候，希望你會留意歌詞，因為其實我是想憑歌寄意。
６９我check 你的來電顯示，是因為我對自己沒有信心。
７０未經我同意最好唔好買衫比我，我自己揀衫會開心ｄ。
７１當你做完運動（跑完步ｏｒ打完波），唔該你唔好走埋黎攬住我，你陣汗
７２購物是女人的天性，請不要阻止或對我的購物行動有甚麼意見，最好間唔中資助下我
７３我唔介意做你的dup骨妹，但我也有疲累的時候，我都想你做我的dup骨仔
７４在你的父母面前唔好話我唔識做家務。
７５我煮完飯唔該你去洗碗，我掃完地就到你拖地
[[i] 本帖最後由 諾天仔仔 於 2008-6-11 02:04 PM 編輯 [/i]]
bourne_express 2008-6-5 09:10 PM
唉...希望還希望,理想定佢想...找到經常這樣做足的男孩真是無懈可擊。:bingo:
phoebepoon 2008-6-10 11:26 AM
嘻嘻~~其實我bb也差不多了~waka!!! (晒命中...)....
phoebepoon 2008-6-10 10:55 PM
[quote]原帖由 [i]妮娜[/i] 於 2008-6-5 09:51 PM 發表 [url=http://www.ectalking.com/discuz/redirect.php?goto=findpost&pid=5398012&ptid=463714][img]http://www.ectalking.com/discuz/images/common/back.gif[/img][/url]
太好的條件..
這樣的男人.. 死光了 [/quote]
聽講占占都唔差~WAKKAKA!!
諾天仔仔 2008-6-11 02:23 PM
[quote]原帖由 [i]phoebepoon[/i] 於 2008-6-10 11:26 發表 [url=http://www2.ectalking.com/discuz/redirect.php?goto=findpost&pid=5418854&ptid=463714][img]http://www2.ectalking.com/discuz/images/common/back.gif[/img][/url]
嘻嘻~~其實我bb也差不多了~waka!!! (晒命中...).... [/quote]
:orz: 我有兩條做唔到!!!原諒我!!!
.[color=white]３９你最好唔好有任何女性朋友、紅顏知己或契姐契妹之類的物體。[/color]
.[color=white]紅顏知己....契妹....各一個!!!紅顏知己結埋婚，契妹又有男朋友....真係清清白白!!![/color]
.[color=white]７１當你做完運動（跑完步ｏｒ打完波），唔該你唔好走埋黎攬住我，你陣汗。[/color]
.[color=white]陣汗.......天生大汗包!!!最多我行動慢D流少D汗!!![/color]
jc5640 2008-6-11 04:04 PM
太好的條件..希望會找到
bj1336 2008-6-21 11:16 AM
呢個世界真係有d咁既人咩???:giveme:
有都絕曬種哥種囉:bingo:
搵到真係要好好咁珍惜呀...:goodjob:
hungeel 2008-7-13 06:47 PM
thx:bingo: :bingo: :bingo:
。皇家FaNs』 2008-7-21 01:22 PM
:vcold:
咁不如搵隻狗做男友-口-""
evil_angel916 2008-8-3 10:21 PM
这样的男人应该绝种了吧！就算是也是假的！醒醒吧！不是真实的！
com135790 2008-8-23 12:44 AM
０８當我剪了兩吋頭髮打了少少眼影穿了對新鞋時希望你會留意到
最難!!我懷疑我永世都做唔到:no: :orz:
Forgive me
jing123456 2008-8-30 02:59 PM
都做不到。因為沒女友。呵呵！