jr106 2008-8-23 10:10 AM
8月22日日記(後補)
禽晚夜得滯,所以打唔切,今日打返.
禽日返工返咗半奏,就因為八號波而收工,不過成個下奏就唔知做乜,好彩重有奧運睇,不過過埋星期日就結束,如果下次又有颱風,又唔知點過:darkb: .
臨收工果陣,我 send 咗個 mail 比"天使",問佢邊"守護神"會唔會接佢返屋企,佢話唔會,因為放朝早,噢~你話幾辛苦呢!"守護神"同我大佬一樣係返通宵更,不過其實八號風球,如果可以的話,自已幾辛苦都會接咗自已愛0既人返屋企先會安心,我就一定會咁做,最多吮我一啖做獎勵就得0架喇:em024:
公司 mail 中,有一個係講不丹呢個小國,佢出名都係明星去果度結婚先出名,不過,佢地0既風俗真係好好,唔開山劈地,夠食夠住就 ok ,啲人雖然窮,但係又唔會話衫無得着,屋無得住.話佢與世隔絕,以前就係,但係而家,啲農民手上個個都有手提電話同上網.國家教導人民0既宗旨係開心就係係一齊,就算窮都無所謂.國家將啲錢放全部放哂係教育上面,令到每個國民都可以讀書識字.重有,佢啲大學生,出外讀完書,都願意返去自已國家工作.一個開過眼界0既大學生都肯返去一個"乜都無"0既家鄉工作,你話係未好難得:em029:
我忽然諗,如果,可以同"妳"一齊去果度定居,你話幾好呢:goodjob: ,每人見到都係開心0既面容,藍天白雲,青山綠水,我可以幫人打工,"妳"可以做教師,教下啲小朋友唱歌,因為"妳"歌聲,就好似天使唱歌咁好聽,我相信唔理係大人或者小朋友,都會喜歡"妳"呢個老師.
飯局當然係受影響食唔到,不過都唔緊要,或者下星期五會補返呢:bingo:
Miss 2008-8-25 01:16 AM
依個"妳"..一定係HEBE..
我好鍾意你寫日記...提及"不丹"這個地方..
我很喜歡旅遊....更喜歡了解當地的風土人情...
你的日記內容愈來愈豐富
jr106 2008-8-25 12:39 PM
因為以前太過單調,而家我會着重其他嘢,有時無乜特別嘢發生,我都會同大家講.雖然只係幾句嘢,但係都算有進步:goodjob: .
以前咁單調,可能我只係返學做全職學生,所以每日都只有返學0既事.