原創歌手 自彈自唱 --- 呂祖百字碑
呂祖百字碑 4:29
http://www.esnips.com/doc/b33f1684-4069-4b09-b20c-8fa9a9a08d7d/呂祖百字碑
曲/詞/編：Zoho Featuring：Zoho
(RAP) 呂祖百字碑真係一百個字 但係箇中意義究竟有無人知
實情每一句都有佢嘅意義 精闢簡潔講到你明話都無咁易
每一句都係得嗰五個字 Total二十句等我解釋吓意思
佢話修行者唔可以亂咁發言詞 唔好俾惡念沖薰動盪你心智
要常存善念再去降服惡念意 自然心平氣和善事都會做多啲
尊敬宗祖常行孝愛做個好子嗣 對應萬事萬物就係道嘅宗旨
保持頭腦清醒守住自己嘅信志 先至不迷真性有自己意思
只要做到以上全部嘅教義 自然同「道」混為一體身心一致
(Sing) 想再攀更高 你就信我這一套 這信念你要抓得到 再進入正途
先要聽呂祖 說話試試去深造 Ah~ 全部照做
(RAP) 等我講多幾句 我唔係一味吹噓 我只係依書直說百字碑嘅每一句
先要有自信去反省你每日有無犯罪 能再三反省成就先做到人中之最
成就好似煲水 係慢慢加熱咁追 要喺個煲入面對流先會變做滾水
意為做事要有恆心唔好怕辛苦艱巨 要勇敢去面對 唔理流幾多汗水
仲要吸收更多知識同反覆實踐豁出去 咁就可以創新成功得到好多人讚許
當生水變成滾水 你自然平地一聲雷 跟手繼續將啲成果慢慢積聚
好似水蒸氣蒸發最後就化做雨水 甘霖大地滋潤萬物連綿不衰
呢句比喻所有成就唔好收埋心裡 係要服務社會造福人民萬歲萬萬歲
(Sing) 想再攀更高 你就信我這一套 這信念你要抓得到 再進入正途
先要聽呂祖 說話試試去深造 Ah~ 全部照做
(RAP) 係人都知日常都會煲水唻飲 呢一種動作直頭簡單到震
但係呢個煲水道理究竟有無人會諗 原來就係一個教你點樣做人嘅學問
聽到聲就知水滾 唔止叫你沖唻飲 其實當中嘅音韻 你要探究同追尋
用心研究每個問題尋根又睇真 就會慢慢明白萬物造化嘅原因
最後呂祖希望大家身體力行 體驗呂祖百字碑嘅真意所有教訓
成功嘅路其實唔係咁難行 只要有毅力決心 就一定平步清雲
講真 道理嘅本身 如果想要修行 必先盡孝心 同埋謹言慎行
慾念唔好俾佢生 自然同「道」一齊混 明白煲水嘅學問 做個成功嘅人
(Sing) 想再攀更高 你就信我這一套 這信念你要抓得到 再進入正途
先要聽呂祖 說話試試去深造 Ah~ 全部照做
想再攀更高 你就信我這一套 這信念你要抓得到 再進入正途
先要聽呂祖 說話試試去深造 Ah~ 全部照做
(RAP) 解完呂祖百字碑 就要將之記起 而家就等我陪你 由頭大聲念到尾
「養氣忘言守 降心為不為 動靜知宗祖 無事更尋誰
真常須應物 應物要不迷 不迷性自住 性住氣自回
氣回丹自結 壺中配坎離 陰陽生返復 普化一聲雷
白雲朝頂上 甘露灑須彌 自飲長生酒 逍遙誰得知
坐聽無絃曲 明通造化機 都來二十句 端的上天梯」
