o係星期六日, 旺角區一定好多婆婆又跪又拜咁希望有人會施一元五角.....

o係本人行經家樂對面O既時候....有一家人行過....

一個中年男人推住架bb車, 拖住個6,7 歲妹妹..我唔到知佢係老豆定係阿爺啦~

佢望左一望跪地婆婆, 又唔係俾錢佢喎..偏偏生得一把賤口~

o係婆婆隔離同妹妹講以下說話

{你呀~唔俾心機讀書..第日就好似佢咁乞食架喇...

而家比佢更加後生o既都有呀~睇下你俾唔俾心機讀書}

我聽完之後...真係好想打爆佢個頭...呢D咁O既人教女, 連咩叫尊重別人都唔識,

講咩叫人努力D讀書呀?讀得書多人格唔好都無用啦~

要佢返去跪十五分鐘..佢連起身都起唔到呀!人地跪足十幾個鐘...仲要俾佢咁話...

唉~教育係需要家長同學校合作..但係呢個一定係反面教材囉~

講真...人地為左你小小錢...跪晒地, 扣晒頭..就算唔俾錢佢地...起碼都要尊重佢地架~

杖義每多屠狗輩........負心多是讀書人........

做父母的.. 望子成龍
卻沒好好做子女的榜樣