阿禪日記-CASTING痴漢狂想曲
天氣 心情
留言(0)
5月26日放工後陪阿禪去柴灣CASTING,
今次主題係陳曉東MV,要斯文得來又性感,
仲要有親熱場面,阿禪恨都恨唔到,仲流哂口水,
叫佢咁喉擒,當然赴湯蹈火啦(千萬不要被阿禪見到,
我實屎緊=0=")
一去到目的地,哇,多人到丫,十幾廿十人,好多女MODEL,
仲要陸續有來,係就係好靚好惹火,不過個個都好妖艷.=3=,
阿禪竟然係最清純個個,OH MY GOD..(唔好俾阿禪見到...)
入到去唔計導演同工作人員3個男人,就只有我一個男仔=3=
工作人員走過泥問我係邊間MODEL公司介紹既,
搞到我好鬼唔好意思#=3=#,不過阿禪填表同試鏡途中都被
人眼望望,我唯有睇書扮無野,其實好唔自在=3=.
之後阿禪俾導演叫左入去單獨面試,其他人眼超超,
本來機會好大,因為個個都要等,阿禪反而好快就試鏡同見導演,
不過佢而家諗番可能無乜機會,話可能唔多識講說話喎.
唔緊要啦,仲有大把機會嘛.
之後去左太古城華昌食燒味,佢又發揮大食本食,
睇到我一額汗......= ="(聽聞佢當晚即肚痾,
仲賴我=0=,明明係為食,又唔見我有事- -+
千萬別被她看到,我屎緊.....= =")
食完野去睇一夜賭城戀大左,好爆笑,好好睇!!正!!
睇完戲就送佢到九龍塘站各散東西LU.
之後有段小插曲,條友係回家途中被痴漢跟蹤,
個痴漢起初話問路,之後一直跟到佢入村咁滯,
後尾就問阿禪可唔可以做朋友,
阿禪雖然係傻既,但未傻到同痴漢做朋友,
所以係咁易打發佢走就閃人.笑死我,小心D啦下次,
咁夜一個人番屋企,仲要係上水咁偏,真擔心你呢個小朋友.
點都好啦,希望你搵到多D JOB,賺多D錢,等你有錢買靚衫
食好野喇,最重要係我要屈番你請我食超級大餐,你屎緊,
有仇報仇,哇呵呵,哇卡卡!!!
你睇我同阿禪幾老友! (後面其實打緊交- -+)
呢隻阿禪,約佢既話要排期咁話,費鬼事理佢,佢係傻既- -+
下次再同大家報導阿禪日記,多謝收看~
